اے ایم یو نے کہا کہ یہ معاملہ الہ آباد ہائی کورٹ میں زیر سماعت ہے اور اسمال کاز کورٹ میں بھی اے ایم یو کی عرضی پر سماعت ہورہی ہے۔
اے ایم یو اقامتی جگہوں کے لیے ہاؤس ٹیکس ادا کرتی رہی ہے اور کلاس روم، لیباریٹری، اور لائبریریوں کے لیے علی گڑھ نگر پالیکا سے اسے چھوٹ حاصل تھی۔
اے ایم یو نے نو کروڑ روپے سے زیادہ کی رقم علی گڑھ نگر نگم پر باقی ہے جو واٹر سپلائی کے ٹیوب ویلوں کے بجلی چارج کے ہیں جسے نگر نگم نے ادا نہیں کیا ہے۔
2006 میں جب علیگڑھ نگر پالیکا، نگر نگم میں تبدیل ہوئی تو اس نے فیصلے کو تبدیل کر دیا، چنانچہ یونیورسٹی نے ہائی کورٹ سے رجوع کیا اور یہ معاملہ اب بھی زیر التوا ہے۔
بنارس ہندو یونیورسٹی اور کچھ دیگر مرکزی یونیورسٹیوں کو ہائیکورٹ کی جانب سے ہاؤس ٹیکس میں چھوٹ دی گئی ہے اور کلاس روم، لیباریٹری اور لائبریوں پر کسی قسم کا ٹیکس نہیں لگایا جاتا۔
اے ایم یو کے بینک اکاؤنٹ کو سیز کیے جانے سے کووڈ وبا کے خلاف جواہر لعل نہرو میڈیکل کالج کی مہم بھی بری طرح متاثر ہوگی۔
مزید پڑھیں:
واضح رہے علیگڑھ چیف ٹیکسیشن آفیسر منیش رائے کے مطابق علی گڑھ مسلم یونیورسٹی پر 14 کروڑ روپے کا پراپرٹی ٹیکس بتایا ہے، اگر بقیہ رقم ایک ہفتے کے اندر جمع نہیں کی گئی تو یہ رقم ان کے اکاؤنٹ سے میونسپل کارپوریشن کو ٹرانسفر کر دی جائے جس کے لئے اے ایم یو کے اکاؤنٹ بھی منجمند کر دیے گئے ہیں۔
