ضلع امروہہ کے َتگری دھام پر 'گنگا یاترا' کا استقبال مقامی بی جے پی کارکنان کے ساتھ ساتھ مرکزی وزیر مملکت جنرل وی کے سنگھ اور صوبے کی سرکار میں وزیر چیتن چوہان نے کیا۔
اس موقع پر مرکزی وزیر جرنل وی کے سنگھ کہا کہ 'گنگا ندی کو صاف رکھنا صرف حکومت کی ذمہ داری نہیں ہے نلکہ ہم سب کی ذمہ داری ہے ہم گنگا کی عبادت کرتے ہیں اور جس کی ہم عبادت کرتے ہیں اس کیا خیال رکھنا بھی ہمارا کام ہے'۔
اُنہوں نے اسٹیج سے لوگوں سے گنگا ندی کو صاف رکھنے کا وعدہ بھی لیا اور کہا کہ گنگا یاترا پروگرام میں حکومت کی جانب سے کئی اسٹال لگائے ہیں جس میں لوگوں کو یہ بتایا جارہا ہے کہ موجودہ حکومت نے گنگا کی صفائی کے لیے کیا کیا کام کیے ہیں'۔
انھوں نے دعوی کرتے ہوئے یہ بھی کہا کہ سنہ 1857 کے بعد انگریزوں نے گنگا ندی کو گندا کرنے کے لیے تمام گٹروں اور نالوں کا رخ گنگا ندی کی طرف کردیا تھا اور اسی لیے کانپور شہر میں گنگا ندی گندے نالے میں تبدیل ہوگئی۔
انھوں نے یہ بھی کہا کہ اب 128 برسوں کے بعد کانپور میں گنگا ندی کی صفائی شروع ہوئی ہے۔