امروہہ میں کانگریس کے ضلعی اور شہری یونٹ کے ساتھ ساتھ کانگریس کے ریاستی سکریٹری سچن چودھری نے علاقے کے گاندھی مورتی چوراہے پر شہریت ترمیمی قانون کی مخالفت میں دو دن کے لیے بھوک ہڑتال کرنے کے لیے پولیس سے اجازت طلب کی تھی لیکن پولیس نے انہیں ہڑتال کی اجازت نہیں دی۔
پولیس نے صبح سے ہی کانگریس رہنما کو اُن کے مکان میں نظر بند کر دیا لیکن ریاستی سکریٹری سچن چودھری کسی طرح پولیس کی نظروں سے بچ کر نکل آئے اور احتجاج شروع کر دیا جس کے بعد پولیس نے سچن چودھری کو حراست میں لے لیا۔
اس موقع پر سچن چودھری نے کہا کی ہم اس قانون کی تب تک مخالفت کرتے رہیں گے جب تک اسے واپس نہیں لیا جائے گا۔
