ان میں بہت سارے مسلمان مریض بھی ہوتے ہیں جن کے ہمراہ ان کے رشتے دار اور دوست و احباب بھی آتے ہیں۔
رمضان المبارک میں سبھی مسلمانوں کی خواہش ہوتی ہے کہ وہ پورے ماہ دلجمعی کے ساتھ عبادت کریں لیکن اسپتال میں ایسا ممکن نہیں ہو پاتا۔
جس کے مدنظر آل انڈیا مسلم خواتین پرسنل لاء بورڈ کی صدر شائستہ عنبر نے پی جی آئی اسپتال کے پاس ہی عنبر مسجد کی بنیاد 1997 میں ڈالی۔
تاکہ مریضوں کو اور ان کے رشتے داروں اور دوستوں کو نماز پڑھنے، رمضان المبارک میں افطار کرنے اور یہاں پر قیام کرنے کی سہولت دستیاب ہو سکے۔
شائستہ عنبر نے ای ٹی وی بھارت کے نمائندے کو بتایا کہ 'اللہ کا شکر ہے کہ اس مسجد میں پورے ماہ افطاری کا اہتمام کیا جاتا ہے اور جو لوگ مریضوں کے ساتھ علاج یا پھر عیادت کے لیے آتے ہیں، وہ سب یہاں افطار کرتے ہیں اور اللہ کی عبادت میں مشغول رہتے ہیں۔'
انہوں نے بتایا کہ 'چونکہ اس علاقے میں دور دراز تک مسجد نہیں ہے جس کی وجہ سے مقامی لوگوں کو اور جو علاج کے لیے مسلمان آتے ہیں، انھیں کافی پریشانیوں سے دوچار ہونا پڑتا تھا۔ یہی وجہ ہے کہ عنبر مسجد کی بنیاد ڈالی گئی۔'