مظفر نگر:ریاست اتر پردیش کے ضلع مظفر نگر کے کلیکٹریٹ کے احاطے میں آل انڈیا مجلس اتحاد المسلمین کے کارکنان اور عہدے داروں نے معاوضے کے مطالبے کو لے کر مظاہرہ کیا۔ انہوں نے کہا کہ گزشتہ روز مظفر نگر کے نصیرپور گاؤں میں ایک غریب کے مکان کی کچی چھت گرنے کی وجہ سے اس کے دو بچوں کی موت ہو گئی تھی اور تین بچے زخمی ہوئے تھے انتظامیہ کے اعلیٰ افسران بھی موقع پر پہنچے تھے اور انہوں نے غریب ادریس کو معاوضہ دینے کی بات کہی تھی لیکن ابھی تک انہیں انتظامیہ کی جانب سے کوئی معاوضہ نہیں دیا گیا
آل انڈیا مجلس اتحاد المسلمین کے ضلع صدر مولانا عمران قاسمی نے کہا کہ ہم چاہتے ہیں کہ غریب ادریس کو معاوضہ جلد از جلد دیا جائے اور اس کی کچی چھت کو پکی بنوائی جائے۔ وہیں دوسرا معاملہ مظفر نگر کے بڑھانا تھانہ علاقے کے دبیڑی گاؤں کا ہے، یہاں پر بھی اینٹ کے بھٹے پر بنے ہوئے گڈھے میں بھرے برسات کے پانی میں ڈوبنے سے تین بچوں کی دردناک موت ہو گئی تھی یہاں پر بھی غریبوں کو کوئی معاوضہ نہیں دیا گیا۔