اعلی تعلیمی اداروں کی درجہ بندی کرنے والی مشہور بین الاقوامی ایجنسی ٹائمز ہائر ایجوکیشن رینکنگ 2020 نے علی گڑھ مسلم یونیورسٹی سے (اے ایم اے) کو فزیکل سائنس کے زمرے میں بھارتی یونیورسٹیز میں دوسرا مقام عطا کیا ہے۔
اے ایم یو کو بھارتی یونیورسٹیز میں دوسرا مقام حاصل مذکورہ رینکنگ میں اے ایم یو کے فزیکل سائنس کے شعبہ جات کو حوالہ جات کی کیٹگری میں 50.7، اور ریسرچ کی کیٹیگری میں 11.7 کا اسکور حاصل ہوا۔ مذکورہ دونوں کیٹگری میں سال 2019 کے مقابلے اے ایم یو کے اسکور میں غیر معمولی اضافہ ہوا ہے اور تدریسی و تحقیق حوالہ جات بین الاقوامی اشتراک اور علمی و تحقیقی کی اشاعتوں کے معاملے میں بنارس ہندو یونیورسٹی، جواہر لال نہرو یونیورسٹی اور دہلی یونیورسٹی سے آگے ہے۔قابل ذکر ہے کہ مذکورہ رینکنگ میں اے ایم یو کی فیکلٹی آف لائف سائنس نے بھی ہندوستانی یونیورسٹیوں میں اول مقام حاصل کیا ہے جو اے ایم یو کے صدی سال میں ایک گرانقدر حصولیابی ہے۔اے ایم یو کے وائس چانسلر پروفیسر طارق منصور نے اس حصولیابی پر مسرت کا اظہار کرتے ہوئے کہا کہ اے ایم یو کے بہتر رینکنگ، ادارے کے معیار میں لگاتار بہتری آنے کا ثبوت ہے.
