شب برات پر مساجد اور قبرستان نہ جانے کی اپیل

کورونا وائرس کے سبب نافذ کیے گئے لاک ڈاؤن کے درمیان علی گڑھ شہر مفتی نے عوام سے اپیل کی ہے کہ تمام مسلمان شب برات کے موقع پر گھر میں ہی عبادات کریں۔

اترپردیش کے ضلع علی گڑھ شہر میں مفتی محمد خالد حمید نے عوام سے شب برات کے روز گھر میں ہی نفل عبادات ادا کرنے کی اپیل کی اور کہا کہ مسلمان مساجد اور قبرستان میں بھی نہ جائے۔

مفتی محمد خالد حمید نے بتایا کہ شب برات کے بارے میں انھوں نے یہ اعلان کردیا ہے اور قوم کو یہ پیغام پہنچایا ہے کہ امسال کورونا وائرس وبا پھیلی ہوئی ہے شدت کے ساتھ اور یہ کوشش کی جارہی ہے کہیں بھی بھیڑ بھاڑ نہ ہو تاکہ اس پر قابو پایا جاسکے۔

اس کے لیے انھوں نے یہ اپیل کی ہے لوگ جو نفل ادا کرتے ہیں وہ گھر میں ادا کریں، نہ مساجد میں جائیں اور نہ ہی قبرستان جائیں اور نفل ادا کرنے کے بعد جتنی بھی دعا ہوسکے دعا کریں اللہ تعالی اس وبا کا خاتمہ کردے اس سے نجات دے کیونکہ دنیا بھر میں اس وبأ کے کافی حد تک اثرات ہو رہے ہیں۔