'بی جے پی بدعنوانی کی ماں ہے'

سماج وادی پارٹی کے صدر اکھلیش یادو نے طنز کرتے ہوئے کہا کہ ریاست میں سب سے زیادہ بدعنوانی محکمہ پی ڈبلیو ڈی کے کاموں میں ہورہی ہے۔ دعوے تو بہت ہوئے لیکن سڑکیں گڈھوں سے پاک نہ ہوسکیں بلکہ سیور لائن کے نام پر بنی بنائی سڑکیں کو کھود کر اس پر مٹی ڈال دی گئی ہیں۔

سماج وادی پارٹی کے صدر اکھلیش یادو نے طنز کرتے ہوئے کہا کہ اترپردیش میں صنعتی فروغ کی جھوٹی کہانیاں گڑھنے میں بی جے پی حکومت کا جواب نہیں ہے۔

سماج وادی پارٹی کے صدر اکھلیش یادو

اکھلیش یادو نے جاری بیان میں کہا کہ ریاست کی صنعتی ترقی کی جھوٹی کہانیاں سنانے میں بی جے پی کا کوئی جواب نہیں ہے۔ نہ کہیں سرمایہ کاری ہورہی ہے اور نہ ہی ترقی عوام کی گاڑھی کمائی پانی کی طرح خرچ کر کے انوسٹمنٹ میٹ کی جگہ ایونٹ منجمنٹ کرنے والی بی جے پی حکومت کی پول کھل گئی ہے۔ خود وزیر اعظم کے انتخابی حلقے بنارس تک میں مفاہمتی خطوط پر دستخط کرنے والی آدھی سے زیادہ کمپنیوں کے پروجکٹ رکے ہوئے ہیں۔

ایس پی سربراہ نے کہا کہ مفاہمتی خطوط پر دستخط ہوئے تین برس ہوگئے ہیں لیکن کسی بھی سرمایہ کار کو پروجکٹ پر رضا مندی نہیں ملی تو کسی کو زمین کے لئے چکر لگانے پڑرہے ہیں۔ سرمایہ کار یہاں کے حالات دیکھ کر ہجرت کرنے پر مجبور ہیں۔

انہوں نے کہا کہ اشتہارات کے ایکسپریس وے پر جھوٹ کی رفتار بھرنے والی بی جے پی حکومت صرف عوام کی آنکھ میں دھول جھونکنا جانتی ہے۔ چار برس میں ایک بھی ایکسپریس وے نہیں بن سکا۔ سماج وادی پارٹی کی حکومت کے ذریعہ تعمیر شدہ ایکسپریس وے کا افتتاح اور سنگ بنیاد وزیر اعلی کا واحد کام ہے۔

اکھلیش یادو نے کہا کہ بی جے پی حکومت نے پی ایم سمان ندھی یوجنا کا بھی خوب اشتہار کیا لیکن اب خبریں آرہی ہیں کہ افسران اس اسکیم میں دلچسپی نہیں لے رہے ہیں۔ ان کی لاپرواہی سے حکومت کی کافی اہمیت کی حامل اسکیم بے معنی ثابت ہورہی ہے۔ افسران اب عدالتی احکامات کی بھی پرواہ نہیں کرتے ہیں۔

انہوں نے کہا کہ بی جے پی کے اقتدار میں بدعنوانی اپنے شباب پر ہے۔ وزیر اعلی کی زیرو ٹالیرنس بیانوں کا کہیں کچھ بھی اثر نہیں نظر رہا ہے، کئی اراکین اسمبلی بدعنوانی کے خلاف اپنی آواز بلند کرچکے ہیں لیکن ان کی کہیں کوئی سماعت نہیں ہورہی ہے۔

سابق وزیر اعلی نے کہا کہ ریاست میں سب سے زیادہ بدعنوانی محکمہ پی ڈبلیو ڈی کے کاموں میں ہورہی ہے۔ دعوی تو بہت ہوئے لیکن سڑکیں گڈھوں سے پاک نہ ہوسکیں بلکہ سیور لائن کے نام پر بنی بنائی سڑکیں کھود کر مٹی ڈال دی گئیں ہیں، اس سے ان پر چلنا مشکل ہے۔

انہوں نے کہا کہ سچ تو یہ ہے کہ بی جے پی حکومت ہی بدعنوانی کی ماں ہے۔ بی جے پی حکومت کے غلط کاموں کی وجہ سے ہی عوام پریشان ہے اور اب وہ زیادہ برداشت کرنے کو تیار نہیں ہے۔ ان کے صبر کا پیمانہ لبریز ہورہا ہے۔

یو این آئی