اکھلیش یادو نے امت شاہ کی بہار ریلی کو شرمناک قرار دیا

وزیر داخلہ امت شاہ اتوار کو ریاست بہار میں ایک ورچوئل ریلی کریں گے۔ وزیر داخلہ کی ریلی کو لے کر ایس پی صدر اکھلیش یادو نے شدید نکتہ چینی کی ہے۔

مرکزی وزیر داخلہ امت شاہ اتوار کو بہار میں ورچوئل ریلی کے ذریعے بی جے پی کارکنوں سے خطاب کریں گے۔ وزیر داخلہ امت شاہ کی ریلی کے ذریعے ہزاروں افراد ریلی میں شامل ہوں گے۔ امت شاہ کی ریلی میں بی جے پی کے قریب 72،000 بوتھس پر پارٹی کارکنان کے شرکت کرنے کا اندازہ ہے۔

امت شاہ کی ریلی کو لےکر سماج وادی پارٹی کے صدر اکھلیش یادو نے بی جے پی کو نشانہے پے لیا۔ ایس پی صدر اکھلیش یادو نے بی جے پی پر سخت حملہ بولا۔ اکھلیش یادو نے کہا ہے کہ 'بی جے پی دور سے بہار میں ڈیجیٹل انتخابی ریلی کا انعقاد کررہی ہے کیونکہ وہ ملک اور ملک کی عوام کی بربادی کے سبب لوگوں کے درمیان براہ راست نہیں جاسکتی ہے'۔

اکھلیش نے کہا ہے کہ 'کروڑوں لوگوں کی زندگی کو راہ پر لانے کے بجائے بی جے پی انتخابات کی تیاری شروع کردی ہے۔ واضح رہے کہ اس سے قبل اکھلیش یادو نے یوگی آدتیہ ناتھ حکومت پر ناراضگی اظہار کرتے ہوئے ہسپتالوں میں بیڈوں کے انتظامات پر سوالات اٹھائے تھے۔