بارہ بنکی: نئے زرعی قوانین کے خلاف اکھل بھارتیہ کسان سبھا کا احتجاج

ریاست اتر پردیش کے ضلع بارہ بنکی میں جمعہ کو بھارتیہ کمیونسٹ پارٹی کی کسان تنظیم اکھل بھارتیہ کسان سبھا کی جانب سے نئے زرعی اور مزدور قوانین کے خلاف احتجاج کیا گیا۔

اکھل بھارتیہ کسان سبھا کی جانب سے ریلی نکالی گئی اور انتظامیہ کو میمورنڈم دیکر ان قوانین کو واپس لئے جانے کا مطالبہ کیا گیا۔ اکھل بھارتیہ کسان سبھا کے کارکنان نے چھایا چوراہے واقع ضلع دفتر سے مارچ نکالا، جو پولیس لائین چوراہا، پرانا بس اسٹاپ، پٹیل تراہے ہوتے ہوئے کلکٹریٹ پہونچا۔

اس دوران کارکنان نے ضلع مجسٹریٹ کے دفتر کے سامنے مرکزی حکومت کے خلاف نعرے بازی کی اور انتظامیہ کو اپنے مطالبات کا میمورنڈم دیا۔

ضلع مجسٹریٹ کے ذریعہ صدر جمہوریہ کو مخاطب میمورنڈم کے ذریعہ اکھل بھارتیہ کسان سبھا نے نئے زرعی اور مزدور قوانین کو فوراً واپس لئے جانے کا مطالبہ کیا ہے۔

اس کے علاوہ مقامی مطالبات کو لیکر الگ سے میمورنڈم دیا گیا ہے۔ جس میں دھان خرید مراکز پر بدنظمی کا مسئلہ اٹھاتے ہوئے کسانوں کے دھان کو طے حمایتی قیمتوں پر خریدوانے کا مطالبہ کیا گیا ہے۔