ریاست اترپردیش کے ضلع مظفر نگر کے کلکٹریٹ کے احاطے میں آج آل انڈیا مجلس اتحاد المسلمین کے کارکنان اور عہدے داروں نے مولانا کلیم صدیقی کی گرفتاری کے خلاف زبردست احتجاجی مظاہرہ کرتے ہوئے ان کی رہائی کا مطالبہ کیا۔
مظفر نگر: مولانا کلیم صدیقی کی گرفتاری کے خلاف زبردست احتجاجی مظاہرہ
مظفرنگر کے گاؤں پھلت کے رہائشی مولانا کلیم صدیقی کو منگل کی دیر شام میرٹھ کے ایک پروگرام سے لوٹتے وقت گرفتار کرلیا گیا۔ اے ٹی ایس نے انہیں تبدیلیٔ مذہب اور غیر قانونی فنڈنگ کے معاملے میں گرفتار کیا ہے۔
وہیں ملک بھر میں ان کی گرفتاری کے خلاف زبردست احتجاجی مظاہرہ کیا جارہا ہے۔ مولانا کی گرفتاری کی مذمت کرتے ہوئے ان کی رہائی کا مطالبہ کیا جارہا ہے۔