AIMIM on UP Municipal Election ایم آئی ایم کی وجہ سے کسی بھی سیاسی جماعت کو فائدہ نہیں ملتا، شوکت علی

آل انڈیا اتحاد المسلمین پارٹی کے ریاستی صدر شوکت علی میونسپل انتخابات کی تیاریوں کے سلسلے میں مرادآباد پہنچے اور مقامی رہنماؤں کے ساتھ مل کر موجودہ صورتحال پر تبادلہ خیال کیا۔ AIMIM Leader Shoukat Ali on UP Municipal Election

مراد آباد:ریاست اترپردیش میں ہونےو الے میونسپل انتخابات کی تیاریاں زور شور سے جاری ہیں۔ حکمراں جماعت بی جے پی سمہت تمام سیاسی جماعتوں کی جانب سے ووٹرز کی توجہ اپنی اپنی طرف مبذول کرنے کی کوششیں شروع کردی ہیں۔ اسی درمیان آل انڈیا اتحاد المسلمین نے بھی بلدیاتی انتخابات میں قسمت آزمانے کے مقصد سے ریاست اترپردیش کے مختلف اضلاع کے رہنماؤں کے ساتھ میٹنگ کا سلسلہ شروع کر دیا ہے۔ AIMIM Leader Shoukat Ali on UP Municipal Election

اسی درمیان آل انڈیا اتحاد المسلمین پارٹی کے ریاستی صدر شوکت علی میونسپل انتخابات کی تیاریوں کے سلسلے میں مرادآباد پہنچے اور مقامی رہنماؤں کے ساتھ مل کر موجودہ صورتحال پر تبادلہ خیال کیا۔ میڈیا کے سوالوں کا جواب دیتے ہوئے شوکت علی نے کہا کہ مسلمانوں کے ووٹوں کی وجہ سے کوئی پارٹی نہیں جیتتی اور نہ ہی کوئی پارٹی ہارتی ہے۔ اگر مسلمانوں کے ووٹوں کی وجہ سے کوئی پارٹی جیتتی ہے تو سماج وادی پارٹی رام پور کا ضمنی انتخاب نہیں ہارتی۔

انتخابی جلسے سے خطاب کرتے ہوئے انہوں نے کہاکہ کانگریس شکست خوردہ سیاسی جماعت بن گئی ہے ۔ لوگوں کا اس پر سے بھروسہ اٹھ چکا ہے۔اس پارٹی کے سلسلے میں کوئی متنازع بیان بازی کرنا نہیں چاہتے ہیں۔ شوکت علی نے مزید کہا کہ سال 2019 میں آل انڈیا اتحاد المسلمین نے لوک سبھا انتخابات نہیں لڑا، سماج وادی پارٹی اور بہوجن سماج وادی پارٹی نے اتحاد کر کے انتخابی میدان میں اتریں اور شکست سے دوچار ہو گئیں۔بھارتیہ جنتا پارٹی نے اتر پردیش میں لوک سبھا انتخابات میں 65 سیٹیں جیتی ۔اس وقت ایم آئی ایم نہیں تھی اس کا مطلب یہ ہوا کہ ہماری وجہ سے کسی بھی پارٹی کی شکست نہیں ہوتی اور نا ہی کسی کو جیت ملتی ہے ۔AIMIM Leader Shoukat Ali Reaction On Uttar Pradesh Municipal Election