بارہ بنکی: وکلاء کا پروٹیکشن ایکٹ نافذ کرانے کا مطالبہ

وکلاء نے جوڈیشل کاموں کا بائیکاٹ کیا اور ایڈیشنل ضلع مجسٹریٹ کو میمورنڈم دیکر ہلاک شدہ شخص کے اہل خانہ کو معاوضہ و دیگر سرکاری امداد دئے جانے کا مطالبہ کیا۔

ریاست اترپردیش کے دارالحکومت لکھنؤ میں وکیل ششر ترپاٹھی کے قتل کی مخالفت میں بارہ بنکی کے وکلا نے احتجاج کیا۔

وکلا نے جوڈیشل کاموں کا بائیکاٹ کیا اور ایڈشنل ضلع مجسٹریٹ کو میمورنڈم دیکر مقتول کے اہل خانہ کو معاوضہ و دیگر سرکاری امداد دئے جانے کا مطالبہ کیا۔

میمورنڈم کے ذریعہ وکلا نے اپنے اور اپنے اہل خانہ کی حفاظت کے لئے پروٹیکشن ایکٹ نافذ کرانے کا مطالبات کیا۔

ضلع بار ایسوسی ایشن کا مطالبہ ہے کہ 2019 میں جتنے بھی وکلا کے قتل ہوئے ہیں ان کے اہل خانہ کو معاوضہ اور انکے کنبہ سے کسی کو ملازمت دی جائے، ساتھ ہی تمام اضلاع کے بار ایسوسی ایشن کے صدر کو تحفظ فراہم کرائی جائے.