نوئیڈا: متعدد اسکولوں کےخلاف کاروائی

ریاست اترپردیش کے ضلع گوتم بدھ نگر کے مجسٹریٹ نے ایک میٹنگ طلب کی جس میں ضلع کے 27 اسکولوں کے خلاف شکایات کی سماعت کی گئی۔

گوتم بدھ نگر کے مجسٹریٹ بی این سنگھ کی صدارت میں ان کے کیمپ آفس نوئیڈا کے آڈیٹوریم میں ضلع فیس ریگولیٹری کمیٹی کی میٹنگ طلب کی گئی۔

اتر پردیش فیس ریگولیٹری ایکٹ 2018 کی خلاف ورزی کرنے پر کمیٹی کی جانب سے مندرجہ ذیل اسکولوں کے خلاف سخت کاروائی کی گئی۔

سفائرر انٹرنیشنل اسکول نوئیڈا، فادر اینگریل گریٹر نوئیڈا اور رییان انٹرنیشنل گریٹر نوئیڈا ویسٹ کے اوپر 25 ہزار روپے کا جرمانہ عائد کیا گیا۔ وشو بھارتی پبلک اسکول نوئیڈا کے اوپر 5 لاکھ کا جرمانہ عائد کیا گیا۔جاگرن پبلک اسکول اور اسینٹ انٹرنیشنل اسکول گریٹر نوئیڈا کے اوپر 50 ہزار کا جرمانہ عائد کیا گیا ہے۔