سڑک حادثے میں 9 افراد ہلاک، متعدد زخمی

غازی آباد کے ہاپوڑ قصبہ کے صادق پور گاؤں کے قریب پیک اپ گاڑی میں لوگ شادی میں شرکت کے بعد اپنے گھر لوٹ رہے تھے کہ راستے میں یہ حادثہ پیش آیا جس میں 9 افراد ہلاک اور 20 افراد زخمی ہوگئے۔

اس حادثے میں ہلاک ہونے والوں میں بچوں کی تعداد زیادہ بتائی جارہی ہے۔صادق پور کےقریب پیک اپ گاڑی کو تیز رفتار کنٹینر نے ٹکر مار دی۔ جس میں 9 افراد ہلاک ہوئے ہیں۔ جب کہ 20 دیگر افراد زخمی ہوئے ہیں جنہیں ہاپوڑ ہسپتال میں داخل کرایا گیا ہے۔

دیونندنی ہسپتال کے ڈاکٹر شیام نے اس حادثے میں نو افراد کے مرنے کی تصدیق کی۔اور 20 سے زائد زخمیوں کا علاج جاری ہے۔

پولیس کے مطابق ہاپوڑ کے دو نندنی ہسپتال میں 18 زخمیوں کو داخل کرایا گیا ہے جن میں سے 8 افراد کی موت ہوگئی۔ وہیں خان نرسنگ ہوم میں بھی 6 زخمیوں کو منتقل کیا گیا تھا جن میں سے ایک کی موت ہوگئی۔ اس طرح کل 9 افراد کی موت ہوئی ہے۔

دیونندنی ہسپتال میں داخل زخمیوں میں سے کئی لوگوں کی حالت نازک بتائی جارہی ہے۔