آشا ورکرس نے انتباہ دیا کہ اگر انہیں مناسب اعزازیہ رقم نہیں دی جائے گی تو اتوار سے ایک ماہ تک کے لیے شروع کی گئی مہم میں حصہ نہیں لیں گے۔
دوشنبہ کو بارہ بنکی کی درجنوں آشا ورکرز نے گاندھی بھون میں میٹنگ کی ۔اس کے بعد سی ایم دفتر کا محاصرہ کیا۔ اس دوران آشا ورکرز نے مزید نعرے بازی بھی کی۔
آشا ورکرز کا الزام ہے کہ تمام حکومتی اسکیمات میں انہیں لگایا جاتا ہے، لیکن اعزازیہ رقم نہیں دی جاتی، انہوں نے بتایا کہ اتوار سے شروع کی گئی مہم میں 15 دن کے لیے 250 روپیہ کی اعزازیہ رقم طئے کی گئی ہے۔
انہوں نے انتباہ کیا ہے کہ جب تک انہیں دن کے 300 روپیہ کی اعزازیہ رقم نہیں دی جاتی وہ کام نہیں کریں گی۔
اس دوران سی ایم او رمیش چندرا اور آشا ورکرس کے درمیان گھنٹوں گفتگو ہوئی۔ وہیں سی ایم او رمیش چندرا نے ان کے تمال مسائل کو حل کرانے کی یقین دہانی کرائی، لیکن انہوں نے کہا کہ آشا ورکرس سماجی کارکن ہیں۔ ان کے لیے جو بھی رقم حکومت دیتی ہے انہیں دی جاتی ہے۔