غازی آباد: خاتون نے چار بچوں کو جنم دیا

غازی آباد کے یشودہ ہسپتال میں ایک خاتون نے 4 بچوں کو جنم دیا۔ اس میں 3 لڑکے اور 1 لڑکی شامل ہے۔

اترپردیش کے غازی آباد میں پیر کے روز ایک خاتون نے ایک ساتھ چار بچوں کو جنم دیا، جس میں تین لڑکے اور ایک لڑکی شامل ہیں۔

ایک ساتھ چار بچوں کی ولادت سے خاتون کے کنبہ کے افراد اور اسپتال عملہ کے ارکان کافی خوش ہیں۔

واضح رہے کہ گزشتہ روز ہی اتر پردیش کی یوگی حکومت نے ریاست میں آبادی پالیسی نافذ کی ہے اور اس کے دوسرے ہی دن غازی آباد کے نہرو نگر میں واقع یشودہ اسپتال میں ایک خاتون نے 4 بچوں کو جنم دیا ہے۔

بتایا جارہا ہے کہ چاروں نوزائیدہ صحتمند ہیں۔ انہیں نرسری میں رکھا گیا ہے اور ان کا خیال رکھا جارہا ہے۔ یشودہ اسپتال کے ڈاکٹرز اپنے کارکردی سے بے حد خوش ہیں۔ در حقیقت چار بچوں کی پیدائش میں ماں اور بچے دونوں کی زندگی خطرے میں رہتی ہے، تاہم یہ دونوں صحتمند ہیں۔