نوجوان کی خودکشی کی کوشش

ریاست اترپردیش کے ضلع علیگڑھ میں واقع دہلی گیٹ علاقے میں ایک شخص نے خود کشی کر لی۔ بتایا جاتا ہے کہ وہ گھریلو معاملات کے سبب پریشان تھا۔

عادل (25 برس) ایک کارخانے میں کام کرتا تھا۔ اے ڈی اے کالونی شاہ جمال میں اپنے بھائیوں اور والد کے ساتھ وہ کرائے کے مکان میں رہتا تھا۔ ڈیڑھ برس پہلے اس کی شادی ہوئی تھی اور ایک چھوٹی سی لڑکی بھی ہے۔

بتایا جاتا ہے کہ عادل نے غریبی اور گھر کی ذمے داریوں سے پریشان ہوکر آج شاہ جمال عید گاہ کے پاس تقریباً سو فٹ سے زیادہ اونچی پانی کی ٹنکی پر چڑھ کر آج دوپہر میں دو بجے چھلانگ لگا کر خودکشی کرنے کی کوشش کی۔ اللہ کا شکر ہے پانی کی ٹنکی کے نیچے مٹی تھی جس سے اس کی جان بچ گئی۔

جب گھر والوں کو معلوم ہوا تو فوراً اسے جواہر لعل نہرو میڈیکل کالج میں علاج کے لیے داخل کرایا گیا۔

عادل کے چھوٹے بھائی فاضل نے بتایا کہ عابد کی شادی ڈیڑھ برس پہلے ہوئی تھی، عابد ایک کارخانے میں مزدوری کرتا تھا جس سے وہ ہفتے میں صرف انیس سو روپے کماتا تھا جو گھر کا خرچ اور کراۓ کے مکان کے لیے ناکافی تھا۔

جواہر لعل نہرو میڈیکل کالج کے ڈاکٹر بدر کا کہنا ہے کہ ابھی عادل کا علاج چل رہا ہے میڈیکل ٹیسٹ ہوجانے کے بعد معلوم چلے گا کہ اس کو کہاں کہاں پر چوٹیں لگی ہیں۔ فی الحال وہ ہوش میں ہے اور بات بھی کر رہا ہے۔ پیر کی ہڈی ٹوٹ گئی ہے منہ اور ناک سے بھی خون نکل رہا ہے۔

غریبی اور گھر کی ذمہ داریوں سے پریشان ہو کر عادل نے سو فٹ سے زیادہ اونچی پانی کی ٹنکی پر چڑھ کر خودکشی کرنے کی کوشش کی۔