بجنور: بس اور کار میں تصادم، ایک ہلاک

ضلع بجنور میں تیز رفتار بس نے ایک کار کو ٹکر مار دی جس میں ایک کی موت ہو گئی جبکہ دو درجن افراد زخمی ہو گئے۔

ریاست اترپردیش کے ضلع بجنور میں واقع تھانہ ریھڑ کے بادی گڑھ چوراہے پر تیز رفتار نجی بس نے ایک کار کو اتنی خطرناک ٹکر ماری کہ کار کے پرخچے اڑ گئے۔

تصادم کے دوران کار میں سوار ایک نوجوان ہلاک ہو گیا جبکہ بس میں سوار دو درجن سے زیادہ مسافر بری طرح زخمی ہو گئے سبھی زخمی کو سرکاری ہسپتال میں داخل کرا دیا گیا ہے۔ جن میں سے چھ افراد کی حالت تشویشناک بتائی جا رہی ہے۔

واضح رہے کہ بس نگینہ سے ہوتی ہوئی کاشی پور جا رہی تھی اسی دوران اس کی کار سے ٹکر ہو گئی۔