ٹاٹا کے تعاون سے 400 بیڈ کا کووڈ ہسپتال آخری مرحلے میں

ڈسٹرکٹ مجسٹریٹ سہاس ایل وائی نے ضلع ہسپتال سیکٹر 39 کی اس جگہ کا معائنہ اور مشاہدہ کیا جہاں ٹاٹا کمپنی کے اشتراک سے 400 بیڈ کووڈ ہسپتال بنایا جارہا ہے۔

کووڈ ہسپتال کا تیزی سے کام جاری ہے۔ ڈسٹرکٹ مجسٹریٹ سہاس ایل وائی نےدوران معائنہ ٹاٹا کمپنی کے نمائندوں کو کام مزید تیز کرنے کی ہدایت کی ہے۔

دوسری طرف محکمہ صحت کے عہدیداروں سے کہا گیا ہے کہ متعلقہ ہسپتال کے لیے ڈاکٹروں اور پیرامیڈیکل عملے کے لیے پہلے سے انتظامات کیے جائیں تاکہ کورونا متاثرین کا بروقت علاج ہسپتال میں ممکن ہوسکے۔

اس دورے کے دوران ڈپٹی کلکٹر دادری راجیو رائے ، چیف میڈیکل آفیسر ڈاکٹر دیپک اہوری ، محکمہ صحت کے دیگر افسران بھی موجود تھے۔