لکھنؤ میں کورونا کے 887 نئے معاملے

اتر پردیش میں کورونا وائرس سے اب تک 2 لاکھ 78 ہزار 473 افراد متاثر ہو چکے ہیں۔ جبکہ 4,047 لوگوں کی موت ہو گئی ہے۔

اتر پردیش میں کورونا وائرس سے متاثر مریضوں کی تعداد میں مسلسل اضافہ ہوتا جا رہا ہے۔ یو پی میں رکارڈ 6,743 نئے معاملے سامنے آئے ہیں، وہیں 73 لوگوں کی موت بھی ہوئی ہے۔

دارالحکومت لکھنؤ میں شروعات کے دنوں میں کورونا کا پھیلاؤ بہت کم تھا لیکن اب اس میں اضافہ درج کیا جا رہا ہے۔ آج ریکارڈ 887 مثبت کیس پائے گئے ہیں اور 9 لوگوں کی موت ہوئی ہے۔

لکھنؤ میں مریضوں کی تعداد 34,333 ہے جبکہ 25,211 افراد صحتیاب ہوئے ہیں، اس کے علاوہ 461 لوگوں کی موت ہوئی۔ وہیں اگر ایکٹیو کیسز کی بات کریں تو سب سے زیادہ لکھنؤ میں 8,661 کیسز درج ہیں۔

ریاستی حکومت کی تمام کوششوں کے باوجود نہ تو صوبے میں مثبت کیسز کی تعداد کم ہو رہی ہے اور نہ ہی دارالحکومت لکھنؤ میں۔

رکن پارلیمان کوشل کشور اور جگدیش گاندھی کو دوبارہ کورونا ہو گیا ہے، جبکہ پی جی آئی ہسپتال میں ایک آئی اے ایس آفسر کی کورونا سے موت ہو گئی ہے۔

لکھنؤ میں گذشتہ 13 دنوں میں ریکارڈ 10 ہزار 989 مثبت کیسز درج کیے گئے ہیں جبکہ 147 لوگوں کی موت ہوئی ہے، وہیں 8 ہزار 326 مریض ڈسچارج کیے گئے ہیں۔