نوئیڈا میں 70 پولیس اہلکار کورونا سے متاثر

نوئیڈا میں کورونا کیسز میں بے تحاشہ اضافہ ہوتا جارہا ہے جبکہ نوئیڈا کمیشنریٹ میں تقریباً 70 پولیس اہلکار کوویڈ-19 انفیکشن سے متاثر پائے گئے۔

اترپردیش میں نوئیڈا کے گوتم بدھ نگر میں واقع کمشنریٹ میں ابھی تک 70 اہلکار کورونا متاثر ہوئے ہیں۔ ان میں پولیس افسران، انسپکٹرز، سب انسپکٹرز، ہیڈ کانسٹبل اور کانسٹبل شامل ہیں۔ اس کے علاوہ بعض پولیس اہلکاروں کو کورنٹائن کیا گیا۔

پولیس ہیڈ کوارٹر سے ملی اطلاعات کے مطابق اے سی پی انکیتا شرما بھی کورونا سے متاثر ہوئی ہیں۔ کورونا متاثرین کی زد میں آنے والے کچھ پولیس اہلکاروں کو قرنطین کیا گیا اور سبھی کا علاج کیا جارہا ہے۔

محکمہ کی جانب سے پولیس اہلکاروں کو کورونا سے محفوظ رکھنے کےلیے احتیاطی تدابیر اختیار کی جارہی ہے۔ ہر تھانے میں کویڈ-19 ڈیسک بنائے گئے اور تھانے میں آنے والوں کو سنیٹائز کیا جارہا ہے، یہاں تک کہ ملزمین کا بھی کوویڈ ٹسٹ کروایا جارہا ہے تاکہ ان کے رابطہ میں آئے پولیس اہلکار محفوظ رہ سکیں۔

ضلع میں آج بھی کورونا کا قہر جاری رہا۔ گذشتہ 24 گھنٹوں کے دوران کورونا کے 640 نئے کیسیز درج ئے گئے اور 8 اموات ہوئی ہیں۔