لکھنؤ میں کورونا کے 596 نئے معاملے

دارالحکومت لکھنؤ میں 52,641 مثبت کیسز ہیں جبکہ 709 لوگوں کی موت کورونا وائرس سے ہوئی ہے۔ گزشتہ کچھ روز سے مثبت کیسز میں کمی دیکھنے کو مل رہی۔

اترپردیش میں کورونا وائرس سے متاثر مریضوں کی تعداد میں مسلسل اضافہ ہوتا جا رہا ہے۔ یو پی میں 4,095 نئے معاملے سامنے آئے ہیں، وہیں 80 لوگوں کی موت ہوئی ہے۔

لکھنؤ میں آج 596 مثبت کیسز پائے گئے ہیں۔ ساتھ ہی 6 لوگوں کی موت بھی ہوئی ہے۔ لکھنؤ میں مریضوں کی تعداد 52,641 جبکہ 46228 صحتیاب ہوئے اور 709 لوگوں کی موت ہوئی۔

اترپردیش میں فعال کیسز کی بات کریں تو سب سے زیادہ لکھنؤ میں 6431 ہیں۔ راحت کی بات یہ ہے کہ اب شہر میں کورونا مثبت کیسز کم نکل رہے ہیں۔

دارالحکومت لکھنؤ میں گزشتہ ایک ہفتے سے مسلسل کورونا مثبت کیسز میں کمی دیکھنے کو مل رہی ہے۔ راحت کی بات یہ ہے کہ فعال کیسز میں بھی کمی ہو رہی ہے۔