پانچ بچوں کے ساتھ خودکشی کرنے کی کوشش

بھدوہی کے جہانگیرآباد گنگا گھاٹ پر اتوارکی صبح ایک خاتون نے اپنے پانچ بچوں کو لے کر خودکشی کرنے کی نیت سے گنگا میں چھلانگ لگا دیا۔ بچے پانی میں ڈوب گئے جبکہ ماں تیر کر باہر آگئی۔

ریاست اترپردیش کے بھدوہی سے ایک دل دہلا دینے والا واقعہ سامنے آیا ہے۔ ایک ماں اپنے 5 بچوں کے ساتھ گنگا ندی میں کود گئی۔ ماں خود تیر کر ندی سے باہر نکل گئی ہے جبکہ اس کے پانچوں بچے پانی میں ڈوب گئے۔ تاہم ابھی تک یہ معلوم نہیں ہوسکا ہے کہ والدہ نے ایسا کیوں کیا۔

دراصل بھدوہی کے جہانگیرآباد گنگا گھاٹ پر اتوارکی صبح ایک خاتون نے اپنے پانچ بچوں کو لے کر خودکشی کرنے کی نیت سے گنگا میں چھلانگ لگا دیا۔ بچے پانی میں ڈوب گئے جبکہ ماں تیر کر باہر آگئی۔

ان میں سے تین لڑکیاں اور دو بیٹے تھے۔ سبھی بچے 11 سال سے کم عمر کے تھے۔ جن کا نام شنکر (6)، کیشو (3)، آرتی (11)، سرسوتی ( 7) اور ماتیشوری (5) ہے۔

گاؤں والوں کے پوچھنے پر خاتون نے کہا کہ 'میں نے اپنے سارے بچوں کو ڈبا دیا ہے۔ '

واقعے کی خبر سن کر گاؤں والے حیران ہیں۔

حالانکہ پولیس گذشتہ ایک گھنٹے سے بچوں کی تلاش میں غوطہ خوروں کی ٹیم کے ساتھ کام کر رہی ہے۔

کچھ لوگوں کا کہنا ہے کہ خاتون کچھ دنوں سے ذہنی طور پر ٹھیک نہیں ہے۔

فی الحال پولیس معاملے کی تفتیش کر رہی ہے۔