بجنور: سڑک حادثے میں دو ہلاک، ایک زخمی

بجنور میں تیز رفتار دو بائیک کی آپس میں ٹکر ہوجانے سے بائیک سوار دو شخص ہلاک جبکہ تیسرا زخمی ہو گیا۔

ریاست اتر پردیش میں ضلع بجنور کے تھانہ نور پور کے راجہ کا تاجپور روڈ پر دو تیز رفتار بائیک آپس میں ٹکرا گئیں جس میں دو افراد کی موت جبکہ ایک بری طرح زخمی ہوگیا۔

اس سڑک حادثے میں ہلاک ہوئے شیر سنگھ اور کرشنا دونوں سگے بھائی تھے، جبکہ دوسری بائیک پر سوار ہری نام کا تیسرا شخص بری طرح زخمی ہو گیا جس کا علاج سرکاری ہسپتال میں جاری ہے، پولیس نے دونوں کی لاش کو پوسٹ مارٹم کے لیے روانہ کر دیا ہے۔