نوئیڈا انتظامیہ نے 12 افراد پر گینگسٹر لگایا

نوئیڈا میں مجرمانہ سرگرمیوں میں ملوث افراد کے خلاف ضلع انتظامیہ نے سخت رخ اپناتے ہوئے 12 افراد پر گینگسٹر لگایا ہے۔

ریاست اترپردیش کے دہلی سے منسلک صنعتی شہر نوئیڈا میں جرائم پرکنٹرول کرنے کے پیش نظر ضلع مجسٹریٹ بی این سنگھ وسیع پیمانے پر کارروائی کی ہے۔

انہوں نے اس ضمن میں ضلع کے 12 مجرمانہ سرگرمیوں میں ملوث افراد پر گینگسٹر عائد کیا ہے۔

خیال رہے کہ ملزمان نے مالی اور جسمانی مقاصد کی تکمیل کے لیے زمین کو بغیر نقشے کے منظور کروانے اور کئی منزلہ عمارت کے فلیٹز کی تعمیری اتھارٹی کی اجازت کے بغیر فروخت کرنے کے معاملات ہیں۔

واضح رہے کہ ضلع مجسٹریٹ بی این سنگھ نے سینیئر پولیس سپرنٹنڈنٹ کی رپورٹ کی بنیاد پر اس پر کارروائی کی ہے۔

ضلع مجسٹریٹ نے اس سلسلے میں بتایا کہ ضلع میں مجرمانہ سرگرمیوں میں ملوث افراد کے خلاف سخت سے سخت کارروائی کے لیے ضلع انتظامیہ نے کمر کس لی ہے۔

انہوں نے کہا کہ اس سلسلے میں یہ کاروائی مسلسل جاری رہے گی اور جو مافیا مجرمانہ رجحان کے شخص ہیں ان پر غنڈہ ایکٹ، گینگسٹر اور ضلع بدر کی کاروائی کے ساتھ ساتھ سخت کارروائی کی جائے گی۔