پارلیمانی حلقہ ادھم پور میں ووٹنگ پرامن

پارلیمانی حلقہ ادھم پور کے وادی چناب میں پارلیمانی انتخابات کے لئے آج صبح سے عوام بھاری تعداد میں ووٹنگ میں حصہ لے رہے ہیں۔

آج وقت مقررہ کے مطابق وادی چناب کے تمام اسمبلی حلقوں میں ووٹنگ شروع ہوئی اور ابھی تک پر امن طریقہ سے ووٹنگ ہو رہی ہے۔

ڈی سی ڈوڈہ کے مطابق چند ایک جگہوں پر Evm کی خرابی کی وجہ سے پولنگ رک گئی تھی لیکن ان مشینوں کو تبدیل کیا گیا اور پولنگ دوبارہ شروع کی گئی۔

مختلف علاقوں سے آنے والی اطلاعات کے مطابق پولنگ اسٹیشنوں پر بھاری رش دیکھنے کو مل رہا ہے ۔
جو پہلی بار ووٹ ڈال رہے ہیں ان میں زیادہ جوش وخروش دیکھنے کو مل رہا ہے ۔

حالانکہ آج صبح سے موسم ابر آلودہ ہونے سے دور دراز علاقوں میں عوام کو دور دور سے پولنگ بوتھ تک پہنچنے میں کافی مشکلات کا سامنا کرنا پڑا کیوں کہ پہاڑوں پر ابھی بھی کافی برف موجود ہے جسکی وجہ سے کافی سردی ہے لیکن اس کے باوجود بھاری تعداد میں عوام ووٹ ڈالنے پہہنچ رہی ہے ۔

ضلع ترقیاتی کمشنر نے observer کے ہمراہ ضلع کے مختلف پولنگ سٹیشنوں کا دور کیا اور پولنگ بوتھ کا جائزہ لیا۔