نوجوانوں کو سرنج مہیا کرانے پر میڈیکل اسٹور سیل

ڈرگز کے معاملہ میں پکڑے گئے نوجوانوں نے ایک میڈیکل اسٹور سے ڈرگز کے لیے سنرج لینے کا انکشاف کیا تھا، جس کے بعد اس میڈیکل اسٹور پر کاروائی کی گئی ہے۔

ضلع ادھم پور کے جکھینی علاقہ میں نوجوانوں کو سرنج مہیا کرانے پر ایک میڈیکل اسٹور سیل کیا گیا ہے۔ یہ کاروائی محکمہ ڈرگز کنٹرول کی جانب سے کی گئی ہے۔ میڈیکل اسٹور پر نوجوانوں کو ڈرگز سے متعلق اشیاء فراہم کرنے کا الزام ہے۔

جمعرات کے روز پولیس اور محکمہ ڈرگز کی مشترکہ ٹیم نے رینہ میڈیکل اسٹور پر چھاپہ مارا۔ اس دوران چھان بین کرنے کے بعد میڈیکل اسٹور کو سیل کر دیا گیا۔

افسران نے بتایا کہ انہیں پولیس کی جانب سے اطلاع ملی تھی۔ ڈرگز معاملے میں پکڑے گئے نوجوانوں نے اس میڈیکل اسٹور سے ڈرگز کے لیے سنرج خریدنے کا انکشاف کیا تھا، جس کے بعد میڈیکل اسٹور پر کاروائی کی گئی ہے۔ اگلے حکم نامہ تک میڈیکل اسٹور کو سیل کیا گیا ہے۔ اس کے ساتھ ہی معاملہ کی جانچ جا رہی ہے۔