ادھم پور: صوبیدار کرشنا سنگھ کو خراج عقیدت

ریاست جموں و کشمیر کے ضلع ادھم پور میں واقع کرشنا گھاٹی میں صوبیدار کرشنا سنگھ کے یوم پیدائش کے موقعے پر مقامی سِول سوسائٹی کی جانب سے انہیں خراج عقیدت پیش کیا گیا۔

واضح رہے کہ صوبیدار کرشنا سنگھ وادی کے ضلع ادھم پور کے رہنے والے تھے اور سنۂ 1948 میں ضلع پونچھ کے کرشنا گھاٹی میں پاکستان کے خلاف ہوئی جنگ میں ہلاک ہوئے تھے۔

ان کے یوم پیدائش کے موقعے پر ادھم پور کی سِول سوسائٹی کے سینکڑوں افراد نے انہیں خراج عقیدت پیش کیا۔ اس موقعے پر صوبیدار کرشنا سنگھ ٹرسٹ کے صدر مہا دیو سنگھ جموال نے صوبیدار کرشنا سنگھ کی زندگی پر روشنی ڈالی اور کہا کہ انہوں نے بھارت کی آزادی کے لیے بہت اہم کردار ادا کیا ہے جو ناقابل فراموش ہے۔

انہوں نے ملک کے نوجوان طبقے کو مخاطب کرتے ہوئے کہا کہ آج کے نوجوان منشیات اور نشہ آور چیزوں میں ملوث ہو کر اپنی زندگی تباہ کررہے ہیں حالانکہ انہیں چاہیے کہ وہ ملک کے جانباز اور بہادر سپاہیوں کی عزت کریں اور وہ غلط کام چھوڑ کر ملک کی تعمیر وترقی میں اہم کردار ادا کریں۔