نئی بھرتی کے خلاف صفائی ملازمین دھرنے پر

جب 20-25 برس سے ناخواندہ افراد کام کر رہے ہیں انہیں صفائی ملازم کے ساتھ ہی ڈیلی ویزروں کو مستقل کیا جانا چاہیے۔

جموں و کشمیر کے ضلع ادم پور میں سروس سیلیکشن بورڈ کی نئی بھرتی کے خلاف شہر کے صفائی ملازمین نے اکھل بھارتیہ صفائی مزدور سنگھ کے بینر تلے احتجاج کیا۔ صفائی ملازمین نے چار جولائی تک مظاہرہ جاری رکھنے کا اعلان کیا ہے۔

مظاہرے کی قیادت کر رہے اکھل بھارتیہ صفائی مزدور سنگھ کے اربن باڈیز کے وائس پریسیڈینٹ و دیگر عہدے داران نے کہا کہ سروس سیلکشن بورڈ پڑھے لکھے ملازم کی مانگ کر رہا ہے، جبکہ سٹی کونسل میں 99.9 فیصد ملازمین ناخواندہ ہیں۔ یہ صفائی ملازم گزشتہ 20-25 سال سے سٹی کونسل کے لیے شہر میں صفائی کا کام کر رہے ہیں۔

انہوں نے کہا کہ جب 20-25 برس سے ناخواندہ افراد کام کر رہے ہیں انہیں صفائی ملازم کے ساتھ ہی ڈیلی ویزروں کو مستقل کیا جانا چاہیے۔

انہوں نے کہا کہ بدھ سے شروع مظاہرہ چار جولائی تک چلے گا۔ اس کے بعد عہدے داران جیسے ہدایت دیں گے، اسی طرح سے مظاہرہ کیا جائے گا۔