امرناتھ یاتریوں کی خدمت میں مسلمان مصروف

امرناتھ ناتھ یاتریوں کے لیے مسلمان بھی اپنی خدمات انجام دے رہے ہیں اور ملک میں آپسی بھائی چارہ و اتحاد کی مثال پیش کر رہے ہیں۔

جموں و کشمیر کے ادھمپور نیشنل ہائی وے کے بلی نالی کے پاس گذشتہ 20 برسوں سے امرناتھ یاترا کے لیے شیو بھکتوں کی خدمت میں لنگر تقسیم کرنے والی جے مہاکال کمیٹی کی جانب سے اس بار بھی یاتریوں کے لیے لنگر کا اہتمام کیا گیا ہے۔

محمد شمس اپنے اہل خانہ کے ساتھ ہر برس امرناتھ یاتریوں کی خدمت کرتے ہیں اور لنگر تقسیم کرنے کے کام میں بھی حصہ لیتے ہیں۔

کمیٹی کے صدر راجپال کا کہنا ہےکہ 'ہم ہر برس بھولے کی خدمت میں حاضر ہوتے ہیں اور جب تک بھولے کی کرپا ہم پر رہے گی تب تک خدمت کرتے رہیں گے۔'

اس موقع پر محمد شمس نے کہا کہ 'وہ ہر برس اپنے اہل خانہ کے ساتھ امرناتھ یاتریوں کی خدمت کرتے ہیں اور لنگر تقسیم کرنے کا کام کرتے ہیں۔ اس کے ساتھ ہی وہ ملک بھر میں آپسی بھائی چارہ اور اتحاد کا پیغام دینے کی کوشش کرتے ہیں۔'

انہوں نے کہا کہ 'غیر مسلم بھائی بھی ان کے کاموں میں شانہ بشانہ شامل ہوتے ہیں۔'

یاتریوں نے اس لنگر میں کام کرنے والے مسلمانوں کی ستائش کی۔