جموں و کشمیر کے ضلع رامبن کے مشہور سیاحتی مقام سناسر میں شدید برف باری ہوئی ہے۔ برف باری کی وجہ سے سناسر جھیل مکمل طور پر برف سے ڈھکی ہوئی ہے۔ سناسر سیاحوں کے لیے ایک مشہور جگہ ہے اور یہاں سیاحوں کی ایک بڑی تعداد ملک و بیرون ملک سے آتی ہے۔
یہاں سڑک نہ ہونے کی وجہ سے سیاحوں کو بہت ساری پریشانیوں کا سامنا کرنا پڑتا ہے۔ انتظامیہ اور حکومت کو بھی چاہئے کہ وہ ان سیاحتی مقامات کو ترقی دیں تاکہ یہاں آنے والے سیاح صحیح طور پر اس سیاحتی مقام سے لطف اندوز ہوسکیں۔
اس سیاحتی مقام کی وجہ سے مقامی لوگوں کا روزگار بھی چلتا ہے۔ مقامی لوگوں کا کہنا ہے کہ حکومت کی جانب سے یہاں کوئی مناسب اقدام نہیں اٹھایا جاتا، اب ان کا روزگار بھی ختم ہونے کے راستے پر ہے۔