'کھیل نوجوانوں کو معاشی برائیوں سے دور رکھتا ہے'

ایس پی راجندر کچوٹ نے کہا کہ کھیل نوجوانوں کو ڈرگز کی لت، شدت پسندانہ سوچ اور معاشی برائیوں سے دور رکھتا ہے۔

ادھم پور پولیس کی جانب سے سیوک ایکشن پروگرام کے تحت ضلعی سطح پر انڈر-19 کرکرٹ ٹورنامنٹ کا انعقاد کیا گیا۔ ٹورنامنٹ کا آغاز ایس پی راجندر کچوٹ نے کیا۔

اس موقع پر انہوں نے کہا کہ کھیل نوجوانوں کو ان کے مقصد کو پانے میں مدد کرتا ہے اور انہیں دماغی طور سے تندرست رکھتا ہے۔ انہوں نے کہا کہ کھیل نوجوانوں کو ڈرگز کی لت، شدت پسندانہ رجحانات اور معاشی برائیوں سے دور رکھتا ہے۔

یہ ٹورنامنٹ ضلعی سطح کا ہے۔ یہ 31 اکتوبر سے چار نومبر 2020 تک جاری رہے گا، جس میں ضلع ادھم پور کی تقریباً 11 انڈر-19 کی ٹیمیں حصہ لیں گی۔