'جموں و کشمیر کو دوبارہ ریاست کا درجہ دیا جائے'

سابق وزیر اعظم اندرا گاندھی کی سالگرہ کے موقع پر ادھم پور ضلعی کانگریس کمیٹی کے وفد نے ڈسٹرکٹ کمشنر ادھم پور سے ملاقات کی اور صدر جمہوریہ کے نام ایک میمورنڈم پیش کیا۔

جموں وکشمیر کو ریاست کی حیثیت اور انٹرنیٹ خدمات کو فوری طور پر بحال کرنے کا مطالبہ کرتے ہوئے کانگریس کے متعدد رہنماؤں اور کارکنوں نے ڈی سی آفس ادھم پور کے سامنے احتجاجی مظاہرہ کیا۔

مظاہرین نے الزام لگایا کہ حکومت جموں و کشمیر کی عوام کے ساتھ سیاست کر رہی ہے۔ اس سے قبل ریاست کی عوام آرٹیکل 370 ہونے کی وجہ سے متحد تھے، لیکن مرکزی علاقہ بنانے کے بعد امتیازی سلوک کی سیاست کی جارہی ہے۔

مہنگائی ساتویں آسمان پر ہے جس کی وجہ سے عام لوگوں کو بہت ساری پریشانیوں کا سامنا کرنا پڑتا ہے۔

انہوں نے حکومت سے مطالبہ کیا ہے کہ جموں وکشمیر کو دوبارہ ریاست کی مکمل حیثیت دی جائے۔