دست کار حکومت سے نالاں

ضلع ادھم پور میں مزدور دستکار یونیئن کی جانب سے ان کے دفتر کے باہر حکومت کے خلاف احتجاج کیا گيا اور نعرے بازی کی گئی۔

ضلع ادھم پور میں حکومت کے خلاف احتجاج کرتے ہوئے مزدور دستکار یونیئن کے ضلع صدر درشن کمار نے بتایا کہ وہ اپنے مطالبات کو لے کر کئی بار احتجاج کر چکے ہیں، لیکن حکومت نے ابھی تک ان کے مطالبات پر توجہ نہیں دی۔

ان کے مطالبات میں اہم مطالبہ ان کی پینشن کو لے کر۔ ان کا مطالبہ ہے کہ جن کی عمر 60 برس سے اوپر ہو چکی ہے ان کو 3000 روپے پینشن کے بطور دیا جائے۔ اس کے علاوہ غریبی سطح سے نیچے زندگی بسر کر رہے دست کاروں کی بیٹیوں کے لیے سماجی فلاح و بہبود کی جانب سے چلائے جا رہی اسکیم کا فائدہ دیا جائے۔

انہوں نے کہا کہ ہر روز مہنگائی بڑھتی جا رہی ہے۔ پیٹرول اور ڈیزل کے دموں میں اضافہ ہو رہا ہے اور حکومت مزدوروں پر توجہ نہیں دے رہی ہے۔ مزدور کا بھتہ اتنا ہی ہے جتنا پہلے تھا۔

انہوں نے کہا کہ حکومت کو اس بارے میں سوچنا چاہیے اور مزدوروں کو آنے والی پریشانیوں سے بچانا چاہیے۔