ادھمپور میں ایک ہی کنبہ کے پانچ افراد ہلاک

جموں و کشمیر کے ضلع ادھمپور میں مکان کے اوپر پتھر گر آنے سے ایک ہی کنبے کے 5 افراد ہلاک ہوئے ہیں۔

ذرائع نے بتایا کہ ادھمپور کے اپری بارمین علاقے میں پیر اور منگل کی درمیانی شب ایک مکان پر بڑا پتھر گرا جس کے نتیجے میں پورا مکان منہدم ہو گیا۔ حادثے میں ایک ہی کنبے کے پانچ افراد ہلاک ہو گئے۔

سرکاری ذرائع کے مطابق ادھم پور کے برمین کھین علاقے میں پیر اور منگل کی درمیانی شب ایک رہائشی مکان بھاری بھر کم پتھر کی زد میں آگیا جس کے نتیجے میں ایک ہی کنبے کے پانچ افراد بر سر موقع ہی ہلاک ہوگئے جبکہ ایک زخمی ہوا۔

ہلاک شدہ افراد میں تین کمسن بچیاں، ایک لڑکا اور ان کی والدہ شامل ہے

ہلاک شدہ افراد کی شناخت شاردہ دیوی زوجہ راج سنگھ، آرتی دیوی بنت راج سنگھ، انو دیوی بنت راج سنگھ، سوانی دیوی بنت راج سنگھ اور پون سنگھ ولد راج سنگھ ساکنان برمین کھین کے بطور ہوئی ہے۔

مکان مالک راج سنگھ ولد منشی رام کو زخمی حالت میں ضلع ہسپتال ادھم پور منتقل کیا گیا ہے۔