پولس نے داسڈا علاقے کے لکشمی پور میں چھاپہ مار کر ان لوگوں کو گرفتار کیا۔ ان لوگوں نے دعوی کیا کہ وہ جنوبی آسام کے نیلم بازار کے رہنے والے ہیں لیکن وہ لوگ اپنے گاؤں کا نام نہیں بتاسکے۔
تریپورہ میں پانچ بنگلہ دیشی شہری گرفتار
ریاست تریپورہ کے داسڈا علاقے میں کافی دنوں سے کرائے پر رہنے والے پانچ بنگلہ دیشی شہریوں کو پولیس نے گزشتہ شب گرفتار کرلیا۔
تفتیش کے دوران انہوں نے قبول کیا کہ وہ بنگلہ دیش کے مولابی بازار سے آئے ہیں اور ان کے پاس پاسپورٹ بھی نہیں ہیں۔ انہوں نے قبول کیا کہ وہ کالیا شہر کے راستے سے بھارت آئے تھے۔ ان کی پہچان فضل اسلام (27)، زبیر احمد(22)، ملت میاں(24)، سرالا میاں (22) اور مکتر میاں (22) کے طور پر ہوئی ہے۔
اس کے علاوہ پولس نے ایک دیگر شخص کو بنگلہ دیشی کرنسی 17200 ٹاکا کے ساتھ 21 مارچ کو کدم تلا سے گرفتار کیا۔ اس شخص کی پہچان سروپ دیو (50) کے طور پر ہوئی ہے اور وہ جنوبی آسام کے ہیلی کانڈی کے کتھالیچیرا کا بتایا جارہا ہے۔