ایئر انڈیا کے ترجمان نے بتایا کہ معاملے کو سنجیدگی سے لیتے ہوئے ایئر لائن انتظامیہ نے شکایت کی جانچ کا حکم دیا ہے اور قصوروار پائے جانے پر ملازم کے خلاف کارروائی کرنے کا تیقن دیا ہے۔
مسافر آکرتی مارواہ کے والد راجندر کپور نے ایم ڈی لوهاني سے کی گئی اپنی شکایت میں لکھا ہے کہ ان کی بیٹی بدھ کو پرواز نمبر اے ائي -380 سے نئی دہلی سے سنگاپور جا رہی تھی۔
اور ان کی بیٹی نے ٹکٹ بک کراتے وقت ہی اپنے بچے کے لیے جھولے والی سیٹ کی درخواست کی تھی اور یچیک کاؤنٹر پر بھی اسے بتایا گیا تھا کہ یہ خاص بکنگ اس کے بچے کے لیے ہو چکی ہے۔ طیارے میں سوار ہونے پر جب اس نے اس سیٹ کا مطالبہ کیا تو اسے منع کر دیا گیا۔
کپور نے الزام لگایا ہے کہ طیارے میں ایک گراؤنڈ ملازم نے ان کی بیٹی اور اس کے خاندان والوں کے ساتھ بدسلوکی کی اور انہیں طیارے سے اتارنے کی دھمکی بھی دی۔