میڈیا خبروں اور خیالات کے درمیان تمیز کرے: وینکیا نائیڈو

نائب صدرجمہوریہ وینکیانائیڈو نے میڈیا سے کہا ہے کہ وہ سچائی اور صداقت کی روشنی بکھیرے۔

حیدرآباد میں گوراساستری کی صد سالہ تقاریب سے خطاب کرتے ہوئے وینکیانائیڈو نے میڈیا سے کہا کہ وہ خبروں اور خیالات کے درمیان تمیز کرے اور صحافت کے معیار کو برقرار رکھے۔

مدیر اور قلمکار گورا ساستری کو خراج عقیدت پیش کرتے ہوئے نائب صدرنے ساستری کی آزادانہ صحافت اور ان کے طاقتور اداریوں کا ذکر کیا۔
وینکیانائیڈو نے صحافت کے بشمول مختلف شعبوں میں گھٹتے ہوئے اقدار پر تشویش کااظہار کیااور صحافیوں سے کہا کہ وہ قطعی فیصلہ قارئین پر چھوڑ دیں اور خود فیصلے نہ کریں۔

انھوں نے آج کے صحافیوں سے کہاکہ وہ گورا ساستری جیسی عظیم شخصیت کے نقش قدم پر چلیں جو سچائی‘ محنت اور لگن کی عمدہ مثال تھے۔