آٹو کی قسط ادا کرنے سے قاصر شخص کی خودکشی

فائنانسرز کی جانب سے اس پر رقم کی واپسی کے لئے دباؤ بڑھتا جارہا تھا جس سے تنگ آکر اس نے کیڑے مارنے کی دوا (جراثیم کش دوا) پی کر خودکشی کر لی۔

آٹو کے فائنانس کی رقم ادا کرنے سے قاصر ایک شخص نے خودکشی کر لی ہے۔ یہ واقعہ تلنگانہ کے ضلع نلگنڈہ میں پیش آیا۔

ضلع کے چندور منڈل کے کونڈاپور دیہات سے تعلق رکھنے والے 22 سالہ جی سریکانت نے کیڑے مار دوا پی کر خودکشی کر لی۔

اس نے فائنانس پر آٹو خریدا تھا جس کے ذریعہ وہ اپنے گھر والوں کی روٹی روزی کا انتظام کررہا تھا تاہم فائنانسرس کی جانب سے اس پر رقم کی واپسی کے لئے دباؤ بڑھتا جارہا تھا جس سے تنگ آکر اس نے کیڑے مار دوا پی کر خودکشی کر لی۔

اس واقعہ پر اس کے والدین نے پولیس سے فائنانسر کے خلاف شکایت کی۔