ناگرکرنول: سڑک حادثہ میں دو افراد ہلاک

تلنگانہ کے ضلع ناگرکرنول میں پیش آئے سڑک حادثہ میں دو افراد ہلاک ہو گئے اور ایک شخص زخمی ہوگیا۔

اطلاعات کے مطابق یہ حادثہ ضلع کے ایروکونڈا منڈل مستقر میں جمعرات کی صبح کی اولین ساعتوں میں اُس وقت پیش آیا جب ایک بائک نے ٹہری ہوئی ٹریکٹر کو ٹکر دے دی۔

حادثہ اتنا شدید تھا کہ دو افراد موقع پر ہی ہلاک ہوگئے جبکہ ایک شخص زخمی ہوگیا جس کو علاج کے لئے اسپتال منتقل کیا گیا۔

مرنے والوں کی شناخت ولیانائک، راملونائک کے طورپر کی گئی ہے۔

بائیک پر تینوں افراد سوار تھے۔ یہ افراد بکروں کی خریداری کے لئے بائیک پر جارہے تھے۔