حیدرآباد شہر کے شیخ پیٹ میں کورونا وائرس سے 9 متاثر ہوئے ہیں پولیس اور بلدیہ کی جانب شیخ پیٹ کو کنٹینمینٹ زون قرار دے کر یہاں کسی کے بھی آنے جانے پر پابندی عائد کردی گئی ہے ۔
تمام زون میں پولیس کا سخت بندوبست کیا گیا ہے اور کنٹینمینٹ زون میں مقیم لوگوں کو پولیس اور بلدیہ کی جانب تمام سہولیات فراہم کی جارہی ہے۔
حیدرآباد میں تیزی سے پھیلتا کورونا وائرس اس موقع پر گولکنڈہ پولیس انسپکٹر چندرشیکھرر نے کہا کہ شیج پیٹ علاقہ کو بند کردیا گیا ہے عوام گھر سے باہر نہ نکلیں، اگر کوئی بھی قانون کے خلاف ورزی کرتا ہے تو اس کے خلاف سخت کارروائی کی جائے گی۔
واضح رہے کہ تلنگانہ میں اب کورونا وائرس کے تقریباً 442 پازیٹیو کیسز سامنے آئے ہیں جس میں سے 35 مریض صحتیاب بھی ہوئے ہیں جبکہ سات افراد کی اس بیماری کے سبب موت واقع ہوئی ہے۔
