جی ایچ ایم سی انتخابات سے ایک دن قبل حیدرآباد کے نیکلس روڈ پر حکمراں جماعت ٹی آر ایس کے کارکنوں نے بی جے پی کے ریاستی صدر بنڈی سنجے کی کار کو روکا۔
حیدرآباد کے نیکلس روڈ پر واقع ایک ہوٹل کے پاس ٹی آر ایس کارکنوں نے بی جے پی کے ریاستی صدر بنڈی سنجے کمار کی کار کو روک دیا۔جس کے باعث کچھ دیر تک کشیدگی دیکھی گئی۔
ٹی آر ایس کارکنوں نےبنڈی سنجے کمار پر ووٹرس میں رقم تقسیم کرنے کا الزام عائد کرتے ہوئے کار کو گھیر لیا۔اسی دوران خیریت آباد کی ٹی آر ایس امیدوار وجیہ ریڈی بھی وہاں پہنچ گئی اور سنجے کمار کے کار کی تلاشی لینے کا مطالبہ کرتے ہوئے دھرنا دیا۔
اس موقع پر پولیس نے ٹی آر ایس کارکنوں کو سمجھا کر وہاں سے دوسری گاڑی میں سنجے کمار کو منتقل کردیا۔