ٹی ڈی پی اور وائی ایس آر کانگریس کے مابین نعرے بازی

آندھراپردیش کے سابق وزیراعلی و تلگودیشم کے قومی صدر این چندرابابونائیڈو کے آج شمالی ساحلی آندھراپردیش کے دورہ کے پیش نظر وشاکھاپٹنم میں پولیس کی بھاری تعداد کو تعینات کردیاگیا۔

دوسری طرف حکمران جماعت وائی ایس آرکانگریس کے کارکن بڑی تعداد میں وہاں پہنچ گئے جنہوں نے اپوزیشن لیڈر کے خلاف نعرے بازی کی۔تلگودیشم کے لیڈران اپنے سربراہ سے ملاقات اور ان کا شاندار استقبال کرنے کے لئے ایرپورٹ پہنچے جس کے نتیجہ میں ٹریفک جام ہوگئی اور کشیدگی دیکھی گئی۔

اس موقع پردونوں گروپس نے ایک دوسرے کے خلاف نعرے بازی کی۔پولیس نے ان گروپس کو روک دیا اور ایرپورٹ کے احاطہ میں لا اینڈ آرڈر کی برقراری کو یقینی بنایا۔قبل ازیں تلگودیشم پارٹی نے وشاکھاپٹنم میں بڑی ریلی کی اجازت مانگی تھی تاکہ نائیڈو کا استقبال کیاجاسکے۔