تلنگانہ کے طالب علم کی کینڈا میں خود کشی

تلنگانہ سے تعلق رکھنے والے پراوین کمار اعلی تعلیم حاصل کرنے کی غرض سے کینیڈا میں مقیم تھے۔ انہوں نے کل خود کشی کر لی۔

تلنگانہ سے تعلق رکھنے والے ایک طالب علم نے کینڈا میں خودکشی کرلی۔ اس طالب علم کی شناخت ضلع نلگنڈہ کے دنڈی منڈل کے آکوتوٹاپلی گاوں کے رہنے والے پراوین کمار کے طور پر کی گئی ہے۔

طالب علم نے ایک اونچی عمارت کی چھت سے کود کرخودکشی کرلی۔ اس انتہائی قدم کی وجہ معلوم نہ ہوسکی۔

وہ اعلی تعلیم کے لیے 2015میں بیرون ملک گیا تھا۔ اس نے آج صبح یہ انتہائی اقدام کیا۔ اس کی خودکشی کی اطلاع کے ساتھ ہی اس کے خاندان پر غم کا پہاڑ ٹوٹ پڑا اور اس کے گاؤں میں غم کی لہر دوڑ گئی۔

پولیس خود کشی کی وجہ معلوم کرنے کی کوشش کر رہی ہے۔
یواین آئی