تلنگانہ کے جئے شنکر بھوپال پلی ضلع میں سنگارینی کالریز کوئلہ کی کان میں کام کرنے والے دو مزدوروں کی لاشیں کل شب تقریباً 10.30 بجے کاکتیہ 6 کوئلہ کی کان سے نکالی گئی۔
مہلوکین کی شناخت ضلع پداپلی کے گاوریڈی پیٹ کے رہنے والے 51سالہ نرسیا اور منچریال ضلع کے وینکٹ راو پیٹ گاوں کے رہنے والے 53سالہ شنکرئیا کے طورپر کی گئی ہے۔
عہدیداروں کے مطابق یہ دونوں سیکنڈ شفٹ کی ڈیوٹی کرنے کیلئے کان میں گئے تھے۔ تاہم وہ ملبے میں پھنس گئے کیونکہ اس کان کی دیوار ان پر گر پڑی۔ ان کو بچانے کے لئے سنگارینی کالریز کمپنی لمیٹیڈ کی دس رکنی ٹیم بشمول منیجر ٹیگور سنگھ اور سیفٹی آفیسر پانڈے کان میں گئے۔ تاہم ان کو اس میں کامیابی نہیں ملی۔