حیدرآباد:تلنگانہ کے وزیرداخلہ محمدمحمودعلی نےریاستی حکومت میں پچھلے آٹھ سالوں سے مسلسل ترقی ہورہی ہے۔ریاست بھر میں امن و امان برقرار ہے۔ان آٹھ برسوں میں کہیں بھی فرقہ وارانہ تشددکے واقعات نہیں ہوئے۔ اس کو بی جے پی قائدین ہضم نہیں کرپارہے ہیں۔ بی جے پی پارٹی مخصوص طبقہ کو نشانہ بنانے اور انہیں نقصان پہنچانے کی پالیسی پر عمل پیرا ہے۔ اس کی متعدد مثالیں ملک بھر میں ہورہی ہیں۔
وزیر داخلہ نے کہا کہ بی جے پی قائدین ریاست تلنگانہ میں بھی فرقہ پرستی پھیلانے اور تشدد کو ہوا دینے کی ہرممکن کوشش کررہے ہیں۔ جس کو وزیر اعلیٰ کلوا کنٹلا چندرا شیکھر راؤ ناکام بنا رہے ہیں۔ٹی آر ایس پارٹی، ایک سیکولر پارٹی ہے جس کے سربراہ مثالی اور عملی سیکولر قائد ہیں جنہیں ملک بھر میں بہترین سیکولر رہنما کے طور پر جانا جاتا ہے۔
محمد محمود علی نے کہا کہ کئی ریاستوں میں محکمہ داخلہ کا قلمدان وزیر اعلیٰ کے پاس ہی ہوتا ہے۔ مگر کے سی آر نے ایک مسلمان کو وزارت داخلہ کاقلمدان حوالے کیا۔ اور ہر معاملے میں ان سے مشاورت کی جاتی ہے۔