تلنگانہ بی جے پی صدرنےعثمانیہ ہسپتال کادورہ کیا

بنڈی سنجے نے کہا کہ انسانیت کا درد رکھنے والے ہر شخص کو عثمانیہ ہسپتال کےمریضوں کی حالت زار دیکھ کر تکلیف ہوگی۔

تلنگانہ بی جے پی کے صدر بنڈی سنجے نے حیدرآباد کے عثمانیہ ہسپتال کا دورہ کیا۔ جہاں بدھ کو ہوئی بارش کے بعد وارڈز میں پانی جمع ہوگیا۔

کریم نگر کے رکن پارلیمان بنڈی سنجے نے یہاں مریضوں سے بات کی،اور علاج و معالجے کی تفصیلات لیں۔ اس موقع انھوں نے کہا کہ حیدرآباد کا قدیم اور تاریخی ہسپتال کے حالات دیکھ کر انھیں بہت تکلیف ہوئی۔ انھوں نے کہا کہ شروعاتی بارش میں ہی ہسپتال کا یہ حال ہوگیا ہے۔

انھوں نے کہا کہ انسانیت کا درد رکھنے والے ہر شخص کو مریضوں کی حالت زار کو دیکھ کر تکلیف ہوگی،مگر وزیر اعلی کے چندر شیکھر راو جنھیں انسانیت کا درد نہیں وہ صرف اپنے فارم ہاوز میں آرام فرمارہےہیں۔

انھوں نے کہا کہ وزیراعلی پراجکٹز کو لیکر جس طرح اپنے منصوبے رکھتے ہیں اور اسے انجام دینے کا دعوی کرتے ہیں، وزیر اعلی کو سب سے پہلے سرکاری ہسپتالوں میں سدھار لانے کا کام کرنا چاہئے۔

انھوں نے کہا کہ عمثانیہ میں بنیادی سہولتیں بھی میسر نہیں ہیں اور اس کی عمارت بوسیدہ ہوگئی ہے۔ اس موقع پر انھوں نے فوری طور پر ہسپتال کا دورہ کرنے اور اقدامات کرنے وزیراعلی سے مطالبہ کیا۔