آدی واسی طبقے کے ساتھ نا انصافی کا الزام

تلنگانہ بی جے پی نے آدی واسیوں کو 12 فیصد تحفظات فراہم کرنے کے وعدے کو پورا کرنے اور اس ضمن میں مرکز سے نمائندگی کرنے کا مطالبہ کیا۔

تلنگانہ میں آدی واسی طبقے کے ساتھ نہ انصافی کا بی جے پی نے الزام لگایا۔

تلنگانہ بی جے پی نے قومی آدی واسی دن کے موقع پر حیدرآباد ٹینک بند میں واقع مذکورہ طبقے کے رہنما کمرم بھیم کے مجسمے پر پھول چڑھائے اور خراج عقیدت پیش کیا۔

اس موقع پر تلنگانہ بی جے پی صدر اور کریم نگر کے رکن پارلیمان بنڈی سنجے نے کہا کہ ریاستی حکومت نے آدی واسیوں کو نظر انداز کردیا اور ان سے کیے وعدے کو فراموش کردیا۔

انھوں نے کہا کہ آدی واسیوں کو 12 فیصد تحفظات فراہم کرنے کے وعدے کو پورا کرنے اور اس ضمن میں مرکز سے نمائندگی کرنے کا مطالبہ کیا۔ انھوں نے تیقن دیا کہ وہ مرکز کو اس پر رضامند کریں گے۔