تلنگانہ اسمبلی کے محاصرہ کی کوشش، کچھ دیر کشیدگی

جی ایچ ایم سی کے قانون میں ترمیم کے خلاف بی جے پی اور غریبوں کے لیے ڈبل بیڈروم مکانات کی تعمیر کے لیے سی پی آئی نے ملازمت کا اعلامیہ جاری کرنے کا مطالبہ کرتے ہوئے بے روزگار نوجوانوں سے اسمبلی کی عمارت کے محاصرہ کی اپیل کی تھی۔

تلنگانہ اسمبلی کے محاصرہ کی کوشش کرنے کے سبب کچھ دیر کے لیے کشیدگی دیکھی گئی۔ بی جے پی اور سی پی آئی کے ساتھ ساتھ بے روزگار نوجوانوں کی جانب سے محاصرہ کی اپیل کی گئی تھی جس کے پیش نظر اسمبلی کے قریب پولیس کا بھاری بندوبست کیا گیا تھا اور پولیس مستعد تھی۔

جی ایچ ایم سی کے قانون میں ترمیم کے خلاف بی جے پی، غریبوں کے لیے ڈبل بیڈروم مکانات کی تعمیر کے لیے سی پی آئی اور ملازمت کا اعلامیہ جاری کرنے کا مطالبہ کرتے ہوئے بے روزگار نوجوانوں نے اسمبلی کی عمارت کے محاصرہ کی اپیل کی تھی۔

بعض بی جے پی کے کارکنان اچانک اسمبلی کے قریب جمع ہوگئے جس کے بعد پولیس نے فوری طور پر ان کو حراست میں لے لیا۔

اس موقع پر پولیس اور ان کارکنوں کے درمیان بحث وتکرار اور دھکا مکی بھی ہوئی۔ پولیس نے احتجاجیوں کو حراست میں لے کر وہاں سے دوسری جگہ منتقل کردیا۔

اسمبلی کے محاصرہ کی اپیل کے پیش نظر بعض اہم لیڈروں کو پولیس نے گھر پر نظربند کردیا۔ ان میں سی پی آئی کے لیڈر چاڈاوینکٹ ریڈی اور دوسرے شامل ہیں۔